الشروط والأحكام

1. الخدمة

دفترك تطبيق لتسجيل الدخل والمصروف ومتابعتهم. المعلومات والتقارير والتنبيهات اللي بيعرضها للمساعدة بس، وليست استشارة مالية أو محاسبية أو ضريبية.

2. حسابك

أنت مسؤول عن صحة بيانات حسابك وعن سرّية كلمة السر. لازم تبلّغنا لو حسّيت إن حد دخل على حسابك من غير إذنك.

3. الباقات والفترة التجريبية

التطبيق بيقدّم أسبوع تجربة مجاني بكل المميزات من غير كارت. بعد الأسبوع التطبيق بيتقفل لحد ما تشترك في الباقة العادية أو البريميوم.

الاشتراك دفعة واحدة بالجنيه المصري للمدة اللي تختارها (شهر أو 3 شهور أو سنة) بالأسعار المعلنة وقت الدفع، والدفع بيتم بأمان عن طريق كاشير. الباقة بتتفعّل فورًا بعد نجاح الدفع.

الاشتراك مابيتجددش تلقائي ومفيش خصم تاني من كارتك. قبل ما المدة تخلص بنفكّرك، وتقدر تجدّد من صفحة الاشتراك. وممكن نغيّر الأسعار بعد إخطارك مسبقًا، والتغيير مابيأثرش على مدة دفعتها.

4. الاسترجاع

لو الاشتراك مش عاجبك، تقدر تطلب استرجاع كامل المبلغ خلال 14 يوم من الدفع من غير أسئلة، عن طريق التواصل معانا على واتساب. الفلوس بترجع لنفس وسيلة الدفع، والمدة بتختلف حسب البنك. بعد الاسترجاع الباقة بتتلغي.

5. بياناتك واستخدامك للخدمة

بياناتك ملكك. ومطلوب منك متستخدمش التطبيق في أي نشاط غير قانوني أو تحاول تعطّله أو توصل لبيانات غيرك.

6. التوفّر وحدود المسؤولية

بنبذل جهدنا إن الخدمة تكون متاحة ودقيقة، لكن مش بنضمن إنها هتشتغل من غير انقطاع أو أخطاء. وفي الحدود اللي بيسمح بيها القانون، مسؤوليتنا محدودة بقيمة اشتراكك.

7. تعديل الشروط

ممكن نعدّل الشروط دي، وهنحدّث التاريخ أعلاه. استمرارك في الاستخدام بعد التعديل معناه موافقتك عليه.